Jhooth

Janabe (Rasul Allah Sallallahu alayhi wa sallam ne farmaya).

Jhooth se parhez karo. kyunki jhooth fasik vafujur ki taraf aur fasik vafujur Jahannum ki taraf le jata Hai. Aadami jhooth bolata rehata hai yahan Tak ke Allah ke yahan jhoton ki farist mein iska naam likh liya jata hai.

Sach bolane ko Apne per lazim kar lo. Kyunki sacchai Neki ki taraf aur Neki Jannat ki taraf le jaati Hai. Aadami sach bolata hai aur uske liye koshish bhi karta rahata hai yahan Tak ke Allah ke yahan sacchon ki fairiest mein iska naam likh liya jata hai.

Hazrat luqman se kisi ne maloom Kiya ki aapane itna buland Muqam vah Martaba kaise hasil Kiya.

Aap ne Farmaya Sacchai, Amanatdari, Fuzul ki baton se parhez ke zariye.

6 baton per Jannat ki Guarantee.

Rasul Allah (Sallallahu alayhi wa sallam) ne farmaya mujhe 6 baton ki guarantee de do main tumhare liye Jannat ki guarantee leta Hun.

1. Hamesha sach bolo.

2. Wada pura karo.

3. Amanat mein khayanat Na Karo.

4. Sharmagah ki hifazat karo.

5. Nigah, Nazre niche rakho.

6. Hathon ko zulm se ruko.

Sacchai, Ehed aur Amanat in teenon ka taluk Allah aur Banda donon se Hai. Allah Ke mamle mein sach bolna ye hai ki iski tauhid ka iqrar Karen. Pure Dil se kalma pade. Zuban se kalma e tauhid padhna Aur Dil se inkar karna battarin jhooth aur nifaak hai.

Bandon ke mamlat mein sach aur jhooth bilkul Zahir hai. Kisi waqiye ke khilaf (yani apne man se) kehana jhooth hai jo kisi tarah jayaz. nahin. Issi tarah Insan ne Allah Ke samne iske rab hone ka iqrar aur farma bardari Ka Jo ahad Kiya Hai. isko pura karna zaruri Aur farz Hai. Banda Bande se agar koi wada karen to isko pura karna bhi zaruri hai.

Amanat, Iman aur vah ehkaam wa farayez, Jin ko Allah ne insan ko mukalif Kiya Hai vah Sab Amanat Hai. Issi tarah agar koi Insan dusre Insan ko hifazat ke liye kuchh de ya koi Raaz ki baat kahe vah bhi Amanat hai donon ki hifazat bande per zaruri hai.

Sharma ki Hifazat:

Iski 2 surate hain 1. Ye hai ke sharmgah ko najayez jagah istemal Karene. Yani haramkari se bilkul etaraz Karen. 2. Apne Jism ka bhi khyal rakhen is per kisi ki nazar Na pade. kyunki yah bhi haram hai. Satar ka dhikhane aur dhikne wale donon per Allah ki lanat Hai. (yah Hukum Issi Ke liye Hai jiska dekhna haram hai)

Mard ka naaf se lekar ghutne Tak aur aurat ka hath pair aur chehre ke alava Sara Jism satar hai. Majburi aur zarurat shaddida ke alawa wo hissa dekhna aur dikhana jayaz nahin.

Aankhon ki hifazat: Nigah nichi rakhna yah bhi zaruri hai taki kisi ke satar per ya Gair mehram per buri nazar na pade. aur na duniya ki chizon per Jis ki waja se duniya Ki taraf ragbat aur akhirat se gaflat ke paide hone ka qawi amkan hai.

Hath rokana: Haram Mal ke hasil karne se aur logon ke Zulum v ziyadati karne se.

Kisi tabayee Ka kaul hai ki sacchai Auliya e ikram ki Zeenat aur Jhooth Badbakton ki Alamat hai….