Ikhlas Charwahe (Bher-Bakriyaa Chalane wala) se sikho..

Ek buzurg ne farmaya ke Insan ko charwahe se adab vah Ikhlas sikhna chahiye.

Kisi ne Arz Kiya kis tarah?

Farmaya jab charvaha (Bher bakriyaa Chalane wala) bakriyoun Ke pass Namaz padhta hai. To usko iska khyal tak bhi nahin aata ki bakriyaa meri Tarif karengi ya Burai. Issi tarah Aamil (Amal karne wala) ko chahiye ke vah logon ki tarif vah burai se beniyaz hokar Allah ki ibadat Karen..

Amal ki Qubuliyat ke liye 4 Sharten:

Har Amal ke qubuliyat liye 4 chizen zaruri hai.

1. ILM: Ilm ke bagair Amal ka Sahi hona dushwartarin bilkul namumkin hai. Aur vahi Amal qubool hota hai jo sahi ho.

3. NIYAT: Niyat ke bagair Amal baese ajar nahin hota baaz aamaal niyat ke bagair moatabar hi nahin. Amal ka dar o madar niyat per hai.

3. SABAR: har Amal ko Sabar va sukun ke sath Karen. ya Amal karne mein jo pareshaniyan pesh aaye un pe bhi Sabar Karen). Pahli do chizen Amal se pahle aur Teesri chizon ke darmiyan ki hai)

4. IKHLAS: Ikhlas ke bagair koi Amal qubool nahin hota.

Sauleh (Naik ) Insan ki Pehchan:

Hazrat Shafiq bin Ibrahim Al zahid rahmatullahi se kisi ne Daryaft Kiya.

Log mujhe Naik kahate Hain’ Main kaise samjhun Ke Maine Naik ho ya bad.

Farmaya 3 baato se:

1. Apne batin (Dill ke under) Ka hal buzurgon se byan karo agar vah isko pasand kare to Naik hai. warna Bad.

2. Apne dil per Duniya pesh kar. Agar vah isko radd kar de to to Naik hai warna nahin.

3. Khud per maut ko pesh kar. Agar Dil isase Razi aur khush ho to samajh le ki to Naik hai warna nahin.

Agar kisi Ko ye Teen yaa Teeno baten. hasil ho to use chahie ki vah Allah ka shukr Karen. aur apna Aajazi ka izhaar Karen. Kahin iske Amal mein Riya na paida ho jaaye Jo sare kiye karae per pani pehr de.